Cool Slideshows

Estimados alumnos e alumnas:

So unhas palabras para diciros que nos lembramos moito de todos vosoutros.

Como sabedes estamos desenvolvendo una nova etapa como Mestres; claro un pouco diferente agora,  en vez de rapaces e rapazas de 3 a 11 anos, todos son moito máis maiores. E por suposto máis aburridos…

Boto de menos tamén as clases de E. Física e todo o tempo de xogos, nas que sempre tiña a oportunidade de pasalo ben ó mesmo tempo que ensinaba. Pero xa tiven a oportunidade de comprobar que coa nova mestra Laura, seguides todos e todas aprendendo moito.

Agardo que sigades sendo os mellores alumnos e alumnas do mundo, pois aquí en Córdoba cando teño alguna oportunidade tamén lles digo que esa escola é a mellor do mundo e de verdade que o é.  Para iso tedes tamén ó mellor profesorado.

Andalucía non é como Galicia, demasiada calor e demasiado frío, hai unhas semanas mesmo nevou, foi moi bonit, pero xa entrada a primavera cambia moi rápido moita calor  no día e frío de noite. Aínda que estes extresmos se compensan con ceos case sempre despexados e con moita luz que fai que cada día teñas moito ánimo. Seguro que por iso os andaluces son tan alegres.

O certo que Córdoba ten o seu encanto, pero síntese especialmente a ausencia das nosas paisaxes e cores tan propias.

Agardando que poidamos pasar xuntos a festa do deporte.

Recibide un saúdo de María e meu.

                        Jesús Caramés

P.D. ¡Encántame escribir en galego!